2022-2032 ss. Qırımtatar tili inkişaf strategiyasınıñ çerçivesinde ReNazirligi, Qırımtatar tili milliy korpusı (MQTK) yaratmağa teşebbüs etti. Qırımtatar tili milliy korpusı – til araştırmaq içün qırımtatar tilinde metin malümatları esasında işleycek online bir platformadır.

Korpus yaratmaq içün 2022 senesi ekim ayında qırımtatar tilinde basılğan ve elektron metinlerni toplamağa başladılar.

Deyerli 8 ay devamında katalogğa eñ az 200 müellifniñ 800 metninden çoq işlendi ve kirsetildi. Malümatnıñ 54%-i endi tesbit etildi ve şekillendirildi. Planlaştırılğan sayınıñ 25%-i Korpusnıñ platformasına yüklendirmege azır.

Şu anda platformanıñ programma qısımları testlene. Kelecek qullanıcılar içün talimat azırlana.

Qayd etemiz ki, bu ay Hırvatistanda keçken Kompyuter tilşınaslıq birliginiñ Avropa bölüginiñ 17. konferentsiyasında Qırımtatar tili milliy korpusı leyhası taqdim etildi.

ReNazirligi, Şaqiy Avropa Fondunıñ kirsetkeni isveçre-ukrain EGAP Programması ve Taras Şevçenko adına Kıyıv milliy universitetiniñ yardımınen yerine ketirile.