Bugün esirlerniñ daa bir deñişmesi keçirildi. Daa 106 mudafaacı evge qayttı.

Şu cümleden, esirlikten Ukraina Silâlı Quvetleriniñ 98 askeri, ayrıca 21 topraq mudafaacısı, 7 sıñırcı ve Devlet mahsus naqliyat hızmetiniñ 1 askeri.

Epsileri Bahmut yönelişte toprağımıznı qorçalay ediler. Azat etilgen askerlerniñ 68-i, habersiz ğayıp olğan olaraq sayıdı.

Deñişme Prezident Ofisi, İstihbarat Baş İdaresi, Ukraina Mudafaa Nazirligi ve Ukraina Telükesizlik Hızmetiniñ ve Reintegratsiya nazirliginiñ yardımınen keçirildi.

Reintegratsiya nazirligi uzurında Milliy malümat bürosı (MMB), azat etilgen mudafaacılarnıñ içtimaiy qorçalanmasını ve ilk yardımnı temin ete: yaqınlarınen telefon alâqası, ilk kerekli eşyalar, şahsiy vesiqalar ve benk kartlarını yañıdan vesiqalaştıruv, tibbiy yardım, uquqiy yardım ve ilâhre.

Bundan ğayrı, MMB esirlikten azat etilgen insanlarğa vesiqalar, bank esapları ve sim-kartlarnı yañıdan almağa yardım ete. Ve olarnıñ devletten 100 biñ grivnalıq bir kerelik para yardımını almaları içün ozğaruv temin ete.