burger

Ruhiy reintegratsiya – azat etilgen topraqlarnıñ yañıdan quruluvınıñ müim qısmıdır

Опубліковано 30 May 2023 року, о 21:04

Ükümet Binasında Ukrainanıñ azat etilgen topraqlarında ruhiy reintegratsiyağa bağışlanğann oturış keçirildi. Vitse baş nazir İrına Vereşçuknıñ başlığınen bu tedbir keçirildi. Anda icra akimiyetiniñ merkez organları, ve Umumiy ukrain kilseler şurası ve diniy teşkilâtlarnıñ vekilleri iştirak ettiler.

 

İrına Vereşçuk qayd etti ki, cenk çağıruvları devrinde diniy mesele, aynı zamanda pek hassas ve devlet içün müimdir.

 

Çünki şimdi Ukraina, tek öz topraqları degil, insanlarnıñ göñülleri ve fikirleri de içün küreşe. Tamam bunıñ içün azat etilgen topraqlarda diniy faaliyet yapmaq içün evelden hadimler yedegini azırlamaq lâzimdir. Em de dincilerniñ kütleviy haber vatsalarına irişimini temin etmek lâzimdir.

 

Tecavuzcınıñ zapt etkeni vaqtınca işğal etilgen topraqlarda kilse mülkiyetiniñ vaziyetini muzakere ettiler. Devlet akimiyetiniñ vekilleri dincilerni inandırdılar ki, topraqlar işğalden azat etilecek soñ kilse mülkiyeti, ilk qanuniy saiplerine mıtlaqa qaytarılacaqtır.

 

Bundan ğayrı, işğalden azat etilgen ve vaqtınca işğal etilgen toraqlarda kilseler ve kilse mülkiyetiniñ sicilini yaratuv meselesi aktualdır. Diniy reberlerge bozulğan ve viran etilgen kilse mülkiyetiniñ cedvelini azırlamağa teklif ettiler.

 

“Bu, Medeniyet nazirliginiñ maqbul sicilinen beñzetmege, rus tecavuzınıñ ketirgeni masraflarnı tesbit etmege, ve İAETda kilse ve tapınuv yapılarını yañıdan qurmaq içün donorlarnı qıdırmağa başlamağa imkân berecek”, – dep vitse baş nazir qoştı.

 

Bundan ğayrı, akimiyetniñ merkez organları ve diniy teşkilâtlarnıñ vekillerinen muntazam iş gruppasını teşkil etmege teklif ettiler. Bu organ, vilâyet arbiy memuriyetleri ve umumen devlet seviyelerinde azat etilgen topraqlardaki ruhiy reintegratsiya meselelerini idare etecek.