Dnipro şeerini ziyaret etkende vitse baş nazir İrına Vereşçuk “Luhansk vilâyetiniñ birligi ve yañıdan quruluvı” forumında iştirak etti. Mezkür tedbir, Luhansk vilâyetiniñ 85. seneligine bağışlandı.

Bundan ğayrı forumda Luhansk vilâyet arbiy memuriyetleriniñ başı Artem Lısohor, Dnipropetrovsk VAMniñ başı Serhiy Lısak ve Donetsk VAMniñ başı Pavlo Kırılenko iştirak ettiler.

Mezkür tedbir ükümet müessiseleri, halqara fondlarnıñ vekilleri, Ukraina halq mubusları vr Luhansk vilâyetlerinden kelgen meşur insanlarnı birleşti.

Luhansk vilâyeti – rus tecavuzından eñ çoq zarar körgen vilâyetlerden biridir. 9 senedir onıñ büyük qısmı işğal astında buluna. Bunıñ içün vilâyetni yañından qurmaq içün devletniñ ayı usulı ve diqqatı olmalı, dep İrına Vereşçuk qayd etti. 

Bu forum, iştirakçilerniñ ğayretlerini birleştirmege,  Luhansk vilâyetini işğalden azat ve reintegratsiya etüvge azırlanğanda prioritetli yönelişlerni tesbit etmege yönelgendir. Yerli ve merkeziy akimiyetlerniñ, içtimaiy teşkilâtlar ve halqara ortaqlarnıñ orta ğayertlerinen muvafaqiyetli netice almaq mümkün.

“İşğalden azat etilecek topraqlarnıñ yañıdan quruluv ceryanınıñ ortasında insan olmalı. Köçken insanlarnıñ evine telükesiz qaytmaları, hadimler yedeginiñ şekillendirilmesi içün bu ve şartlar yaratılmalı. Çünki Luhansk vilâyetiniñ reintegratsiya ceryanına şu cümleden maqsatlı ve vatanperver insanlar qatılacaq”, – dep vitse baş nazir inandırdı.