Vitse baş nazir İrına Vereşçuk, Dnipropetrovsk vilâyetiniñ Pidhorodenska cemaatındaki tünevinki facia yerini ziyaret etti. 

Bozaarğan aynıñ 3-ünde aqşam maalinde raketa ücümi neticesinde eki yaşındaki bala öldi, beş bala yaralandı, umumen 22 insan zarar kördi. Facia yerinde qurtarıcı hızmetler çalışmağa devam eteler.

Memur, yerli sakinlerinen ve yerli akimiyetniñ organlarınen subet etti. Viran etilgen ve bozulğan evlerniñ sakinlerine zararını kelecekte tazmin etmek maqsadınen raketa ücüminiñ neticelerini qayd etmek içün bugün bir eyyet toplanacaq. 

“Ukrainalılarnıñ ölgen balalarnı añğanları künü duşman, kiçik ukrainalılarnıñ ayatlarını almağa devam ete. Ölgen Lizanıñ aqrabalarına taziye bildirem. Er bir ölümde qabaatlı olğan insannıñ cezalandırılması içün er şey yapacaqmız!”, – dep vitse baş nazir İrına Vereşçuk qayd etti.