Bugün başı vitse baş nazir İrına Vereşçuk olğan Cenk vaziyeti şartlarında bala aqlarını qorçalav meseleleri idare ştabınıñ emrinen İçtimaiy siyaset nazirligi tarafından azırlanğan qarar tasdıqlandı.

Laf, “Türlü ve çeşitli saiplik şekillerindeki müessiselerge 24 saat devamında bulunmaq içün kirgen balalarnıñ ve insanlarnıñ yerini vaqtınca deñiştirüv (tahliyesi) ve qaytarılmaları aqqında” qararına deñişmeler aqqındadır.

Vesiqanıñ esas novelaları arasında – statuslı balalarnıñ tahliye mehanizmini ve Ukrainadan çıqsalar olarnı Vatanına qayatruv mehanizmini tatbiq etmektir. İçtimaiy siyaset nazirligi, ReNazirligi ve İİNniñ orta emrinen tasdıqlanğan forma esasında azırlanacaq açıq-aydı planğa mücibi bu ceryan keçirilecek.

Böylece, er bir qaytaruv faktı içün müddetinen ve cevapkâr insanlarnen şahsiy plan azırlanacaq.

Bundan ğayrı, qaytaruv meselesini ögretüvniñ neticelerine mücibi müessiseniñ binasınıñ telüke ve balalaqnı baqa bilmesine dair bütün şartlarğa lâyıq olması aqqında akt yazılacaq.

Mezkür plan ve akt, qaytaruv qararını bergende mecburiy bir qısmıdır.

Bundan ğayrı, vilâyet arbiy memuriyetlerniñ balalarnı qaytaruv qararı Milliy içtimaiy hızmetnen uyğunlaştırılacaq.

Balalarnıñ tahliyesi ya da Ukrainağa qaytarılmasınen bağlı ve peyda olacaq munaqaşa meseleleri İdare ştabınıñ orturışlarında çezilecekler.