Rus esirliginden azat etilgen daa 235 insan 100 biñ grivnalıq devlet yardımını ala bilirler. 

Olardan 84 insan Çernihiv vilâyetiniñ Yahidne köyündendir. 2022 senesi saban ayında deyerli bir ay devamında işğalciler olarnı mektepniñ mağazında tuta ediler.

Bundan ğayrı, şu anda rusiye federatsiyası tarafından qanunsız olaraq azatlıqtan marum etilgen insanlarnıñ daa 301 qorantası devletten 100 biñ grvinalıq para yardımını ala bilir.

ReNazirligi olardan kerekli vesiqalarnı alacaq soñ mezkür insanlarğa para ödeycek.

​​Qayd etemiz ki, mayıs ayınıñ 130-ında ReNazirligi uzurında maqbul Eyyet, bu vatandaşlarnı Ukrainağa qarşı silâlı tecavuz neticesinde azatlıqtan marum etilgen olaraq tanıdı.

Bundan ğayrı Eyyet, ariza ve tasdıqlayıcı vesiqalarnı bergen 89 insannı esirlerniñ qorantalarınıñ azası olaraq tanıdı.

Hatırlatamız ki, mezkür eyyet, «Ukrainağa qarşı silâlı tecavuz neticesinde azatlıqtan marum etilgen olaraq tanınğan kişilerniñ ve olarnıñ qorantalarınıñ azalarınıñ içtimaiy ve uquqiy qorçalaması aqqında» Ukraina qanunı yerine ketirmek maqsadınen teşkil etildi.

Eyyetniñ terkibinde ReNazirligi, devlet akimiyetiniñ başqa organları ve içtimaiy birleşmelerniñ vekilleri çalışalar.