Halqara balalarnı qorçalav kününe bağışlanğan Prezident Volodımır Zelenskıynıñ iştirakinen “UA: CENK. SOÑUNA QADAR YIRLANMAĞAN BEŞİK YIRI” konferentsiyası keçirildi. Prezidentniñ Ofisi ve Yuqarı Şuranıñ insan aqları vekili, bu tedbirni teşkil ettiler.

Bu konferentsiya, rusiyeniñ arbiy tecavuzı sebebinden bala aqlarını qorçalamağa bağışlanğan edi. Sürgünlik cinayeti, miqdarı ve neticelerine ayrıca diqqat ayırıldı.

Tedbirde vitse baş nazir İrına Vereşçuk iştirak etti.

“Tecavuzcı bir devlet, balalarımızğa qarşı yapqanı bütün cinayetler içün mesüliyet çekecek. Ve bu, bizim ğalebemizni yaqınlaştıracaq yoldır”, – dep vitse baş nazir qayd etti.

Şu cümleden İrına Vereşçuk ukrain balalarını qaytaruv ceryanında ğayretleri içün Prezident Volodımır Zelenskıy ve Prezidentniñ Ofisiniñ Reberi Andriy Yermakqa teşekkür bildirdi ve qayd etti ki, ğayretlerni birleşip episini evine qaytara bilirmiz.Bundan ğayrı, vitse baş nazir, keçenlerde vaqtınca işğal etilgne topraqtan qaytarılğan Vyaçeslavğa Ukraina vatandaşlığı pasportını tantanalı tarzda berdi. Yarın oğlannıñ 18. doğğan künü olacaq.