Açma merasiminde Prezident Volodımır Zelenskıy, Prezidentniñ Ofisiniñ reberi Andriy Yermak, vitse baş nazir İrına Vereşçuk, Baş prokuror Andriy Kostin, Prezidentniñ bala aqları vekili-mesleatçısı Darya Herasımçuk, Yuqarı Şuranıñ insan aqları vekili Dmıtro Lubinets ve başqa memurlar iştirak ettiler.

Merkez, cinayetlerniñ qurbanları ya da olarnıñ şaatları olğan balalarnen çalışacaq. Müessisede maqbul mütehassıslar balalardan ve ailelerinden malümat alacaqlar, tibbiy teşkerüv keçirecekler, kerekli yardım berecekler ve ilâhre.

Bundan ğayrı tedbirde Bring Kids Back UA areketler planı taqdim etildi. Bu ukrain akimiyeti, ecnebiy ükümetler ve halqara teşkilâtlarnıñ kiçik ukrainalılarnıñ aqlarını qorçalav saasında tedbirler kompleksidir. Çoq ecnebiy ortaq öz destegini ve onı yerine ketirmege azırlığını bildirdiler.

Devletniñ başı, merkezni açmaları ve areketler planını azırlamaları içün teşekkür bildirdi.

“İlk adım yapıldı, 371 bala evinde, Ukrainada. Episilerini qaytarmaq içün mümkün olğan er şey yapacaqmız”, – dep Volodımır Zelenskıy ayttı.