Vitse baş nazir İrına Vereşçuk, Cenk vaziyeti şartlarında ealiniñ tahliye meseleleri idare ştabınıñ nevbetten tış oturışını keçirdi. Kahovka GESnıñ patlanmasınen bağlı Herson vilâyetindeki telüke ve gumanitar vaziyeti muzakere etildi.

Herson VAMniñ reberi Oleksandr Prokudin haber berdi ki, şu anda tahliye vaziyeti kontrol etile. Umumen eñ az 1300 insan tahliye etildi. Olar aralarında mahsus baqmağa ihtiyac duyğan insanlar da bar. Böylece Vinnnıtsâ ve Hmelnıtska vilâyetleri, az mobil olğan kişilerni alıp yerleştirecekler. 

Tahliye etilgen er keske, yetişkinlerge 2 biñ grvinalıq, 18 yaşına yetmege balalar ve saqatlı insanlarğa ise 3 biñ grivnalıq maliyeviy yardım ödenecek. Ve başqa devlet içtimaiy ödemeleri yapılacaq.

Zarar körgen topraqlarda gumanitar yardım berüv ve o yerlerge içir suv ketirüv meselesi de müimdir. Bu meseleler çezmek içün İdare ştabınıñ çerçivesinde halqara donorlar ve gumanitar operatorlar birleştirildi. Olarnıñ vekilleri inandırdılar ki, kerekli içilir suv ve araçıqlarnı qazmağa temin etecekler.

“İdare ştabınıñ iş tecribesi yardımınen bugün aktual meselelerni çabikçe çezmege becerdik. Bu köstere ki, akimiyet ve halqara teşkilâtlarnıñ areketleriniñ tüzetilgen idaresi insanlarnıñ ayatlarını qurtarmağa yardım ete. Bizim birligimiz duşmanğa köstere ki, ne yapqanına baqmadan,  maqsadına irişmedi – o mağlübiyetke oğraycaq. Biz ise ğalebe qazanacaqmız”, – dep İrına Vereşçuk qayd etti.

Suvdan zarar körgen insanlar, Herson VAMniñ sıcaq hattına telefon etip, yardım soraya bilirler: 0 800 330 951 ya da (091) 481-78-45.

Herson ŞAMniñ sıcaq hattı: (050) 040-44-24, (098) 958-17-90.

Ayvanlarnıñ qurtarıcıları: [email protected], (050) 943-36-35 ya da (096) 348-80-70.

Mahsus vaziyetlerde habersiz ğayıp olğan kişiler meseleleri vekiliniñ sıcaq hattı: 0 800 339 247.

ReNazirliginiñ buhran meseleleri sıcaq hattı: 15-48.