Herson vilâyetiniñ suv basılması sebebinden meskün yerlerden tahliye etmege mecbur qalğan sakinleri “Prıhıstok” programması qullanıp, ülkeniñ telükesiz rayonlarında mesken tapa bilirler.

Meskenniñ saipleri olağn insanlar vastasız mesken berüv aqqında bildirüvini yayınlaylar. Bunıñ içün Ukrainanıñ er bir bölgesinde köçken insanlar bir qaç künge ya da uzunca müddetke vaqtınca bedava mesken tapa bilirler.

Programmanıñ şartlarına mücibi, mesken bergen insanlar, kommunal hızmetlerini ödemek içün devlet tazminatını alacaqlar.

Boş mesken tekliflerini körmek içün “Prıhıstok” saytında qayd etmek ve filtr sisteması yardımınen mesken tapmaq ve sayılğan variantnıñ saibinen bağlanmaq kerek.

“Prıhıstok”, göñülli teşebbüstir. Tolu miqyaslı tecavuznıñ birinci kününde Ukraina halq mebusı Halına Yançenko onı başlattı. Bundan soñ bu programma, Ükümetniñ destegini aldı.

Nazirler Kabinetiniñ qararına mücibi ReNazirligi, “Prıhıstok” leyhasınıñ icracısıdır. Müessise, maqbul sicilni yazar ve köçken insanlarnıñ meskeni içün masraflarnıñ tazminatını idare eter.