Avropa parlamentiniñ “Kahovka GESnıñ suv bentiniñ yıqıluvınıñ neticeleri” planlaştırılğan munaqaşası vaqtında bu tür bildirmeler duyuldı

Munaqaşa başlatqanda İsveçiya AB meseleleri naziri Cesika Rosval qayd etti ki, rusiye Ukrainağa qarşı bu qanunsız cenkni başlamasa edi, bozarğan aynıñ 6-sındaki Kahovka GESnıñ yıqıluvı olmaz edi.

AB bu ücümni takbih ete ve ukrain halqınen, ayrıca zarar körgenlernen razıdır. Patlama neticesindeki suv basuv, biñlerce insannıñ ayatını telükege oğradı ve ekologik felâketniñ sebebi oldı.

Qayd etildi ki, Nova Kahovkadaki suv benti tamam patlanğan soñ Avropa eyyeti Ukrainağa yardım etmege başladı. Şu cümleden, ABniñ azası olğan 14 ülke ve Grajdan qorçalaması mehanizmi Ukrainağa 76 gemiden ve 300 suv pompasından ibaret olğan yardımnı teklif ettiler.

Şu anda rfna qarşı 11. sanktsiya paketini tasdıqlamaq içün çalışalar. rusiyeniñ yapqanı bütün cinayetler içün onı cezalandırmaq maqsadınen AB Ukrainen beraber çalışa.