“Suspilne” TVda canlı yayın vaqtında vitse baş nazir İrına Vereşçuk bu aqqında haber berdi.

Memurnıñ sözlerine köre, soñ oturış vaqtında Ükümet bu tür qarar tasdıqladı. O, Kahovka GESnıñ suv bentiniñ patlaması neticesinde olğan fevqulâde vaziyetten zarar körgen cemaatlarğa aittir.

Eyyetler acelen toplanmalılar. Herson vilâyet arbiy memuriyeti, olarnıñ teşkil olunmasını kontrol etecek.

“Ükümet tarafından qabul etilgen qarar esapqa ala ki, yerli öz idare organları bu tür eyyetlerni acelen teşkil etmeliler. Suv basuvdan zarar körgen er bir meskün yerde, er bit topraq cemaatında çalışmalılar. Olarnıñ vazifesi – mülkiyetniñ bozulması ve virain etilmesini qayd etmektir. Olarnıñ işi, aktlarnı azırlav müddetine ve sicilge bilgilerni kirsetüvge ve tamam tazminat aluvğa bağlı olır”, – dep vitse baş nazir hulâsa çıqardı.