İsviçre Ükümetiniñ davetine Mahsus vaziyetlerde habersiz ğayıp olğan kişiler meseleleri vekili Oleh Kotenko, İsviçre federal tış işleri bölüginiñ vekili, elçisi Simon Hayssbülernen iş körüşüvini keçirdi.

Beraber olar Lozzann universitetiniñ Cinaiy ilimler mektebini ziyaret ettiler. Anda habersiz ğayıp olğan kişilerni qıdıruv ve identifikatsiya ceryanlarında qullanılğan zemaneviy tehnologiyalarnen tanış oldılar.

Universitetniñ ihtisasları, DNK testini çabişkeltirmege ve kütleviy mezarlıq yerlerini tesbit etmek içün zemaneviy dronlarnı yapmağa dair bilgilernen paylaştılar.

Bundan ğayrı körüşüvde Ukraina ve İsviçre arasında eki taraflı işdeşliginiñ kelecek yönelişleri muzakere ettiler.

“Halqara ortaqlarımıznen işdeşlik – qıdıruv işinde ögge bir adımdır. Ukrainada habersiz ğayıp olğan kişiler meselelerinde ve ölgen insanlarnı qıdıruv ve identifikatsiya ceryanlarını tezleştirmege yardım etmesi içün isveçre tarafına teşekkür bildiremiz. Biz bunı qadirine yetemiz!” – dep körüşüv vaqtında Oleh Kotenko qayd etti.