Mıkolayiv vilâyetinde teşkil etilgen Hastalıqlarnı kontrol etüv ve profilaktikası merkeziniñ (HKPM) mobil operativ taqımları, Herson vilâyetiniñ suvnen basılğan rayonlarında epidemiologik vaziyetni kontrol pekitecekler.

Ukraina Sağlıq bazirligi bu aqqında haber berdi.

Hastalıqlarnıñ peyda olunıp tez tarqalınmasını evelden yoq etmek maqsadınen HKPMniñ mütehassısları, suvnen basılğan rayonlarnıñ sakinlerini suv ve suvnen basılğan şahsiy evlerniñ üstüni yuqunçlardan temizletici devalarnen temin etecekler.

Bunıñ içün Mıkolayiv ve Herson vilâyetlerinde içilir suvnı yuqunçlardan temizletici ilâçlar yedegi azırlandı. Eñ az bir qaç ayğa Herson vilâyetiniñ sakinleri içün yeterli olacaq.

Bundan ğayrı, Mıkolayiv vilâyetiniñ hastahanelerinden biri esasında ağır içekler ve başqa yuqunç hastalıqlarınen hastalarnı qabul etecek yuqunç habı azırlandı.

Şu anda HKPMniñ mütehassısları üst suvlar, quyular, suv araçıqları, merkezleştirilgen ağlarnıñ suvını teşkereler.

Soñ bilgilerge köre, üst suvlarda mikrobiologik işaretlerniñ ciddiy üstün çıqarılması qayd etildi. Bunıñ içün hocalıq ihtiyacları ve aşayt mahsulatını pişirmek ve temizletmek içün bu suv qullanılmaz, bu tür suvda yuvunmaq mümkün degil.