Herson vilâyetiniñ telükeli topraqlarınıñ sakinleri içün bir qaç acele tahliye marşrutı teşkil etildi. Hmelnıtskıyğa bedava tahliye treni vastasınen ketmek mümkün.

 

Hersonlılar, Herson – Mıkolayiv, Herson – Odesa yönelişlerde ketken bedava tahliye avtobuslarını da qullana bilirler.

 

Kerekli olsa, Herson – Dnipro ve Herson – Krıvıy Rih yönelişlerinde bedava tahliye avtobusları keterler.

 

Toplanma tahliye noqtalarında insanlar gumanitar yardım: içilir suv, urba, aş ve gigyena eşyalarını alırlar.

 

Tahliye etilgen er kes DAK içün maliyeviy yardım mıtlaqa alır: balalar ve saqatlı insanlarğa 3 biñ grivna ve başqalarına 2 biñ grivna.

 

Herson VAMniñ sıcaq hattına (0 800 33 09 51, (091) 481-78-45) ya da Herson ŞAMniñ sıcaq hattına ((050) 040-44-24, (098) 958-17-90) tahliye arzusını bildirmek mümkün

 

Tahliye ve gumanitar yardımnen bağlı sualleriñiz olsa, sıcaq hatqa telefon etiñiz: 0 800 101 102.

 

Bundan ğayrı, ReNazirliginiñ buhran meseleleri sıcaq hattına tahliyege dair hitap etiñiz: 15-48.