Halqara Qırmızı Haç Eyyetiniñ davetinen Jenevrede Mahsus vaziyetlerde habersiz ğayıp olğan kişiler meseleleri vekili Oleh Kotenko, Merkezi qıdıruv agentliginiñ (MQA) vekillerinen iş körüşüvini keçirdi.

Şu anda MQA, eñ az 150 senedir habersiz ğayıp olğan insanlarnıñ ailelerine yardım etken HQHEniñ eñ eski müessiselerinden biridir.

Oleh Kotenko, MQAniñ bölükleriniñ işinen: ög ofisi, call merkezi, idare ve bilgilerni talil etüv bölügi, davalarnen – tek makeme-tibbiy ceetlernen – çalışqan bölüklernen tafsilâtlıca tanış oldı.

Bundan ğayrı ziyaret vaqtında Oleh Kotenko, Mahsus vaziyetlerde habersiz ğayıp olğan kişiler meseleleri vekiliniñ Ofisiniñ iş tecribesinen paylaştı. Sene çalışqanda qarşılaşqanı çağıruvlar ve azırlıqlarnı añlattı.

“Bizim içün halqara müessiselernen tecribesinen paylaşmaq pek müimdir. Bu yardımınen habersiz ğayıp olğan kişilerni qıdıruv ceryanında daa semereli çalışa bilirmiz. Halqara ortqlarımıznıñ tecribesi – bizim işimizde yañı bir alettir. HQHEne davetiñiz ve semereli işdeşligiñiz içün teşekkür bildirem. Habersiz ğayıp olğan kişilerniñ aileleriniñ meselelerine diqqatıñıznı pek qadirine yetemiz”, – dep Oleh Kotenko qayd etti.