Vaqtınca işğal etilgen Qırımnıñ şimaliy rayonlarında işğalciler, tahliye tedbirlerini başlattılar. Olar ealini yerini deñiştirmege teşviq eteler ve mülk-medeniy qıymetlerini hırsızlamağa azırlanalar. Milliy qarşılıq merkezi bu aqqında haber berdi.

İşğal memuriyetleri, ealiniñ yarımadanıñ ortasına ya da rfnıñ toprağına mecburiy “tahliyesi” cedvellerini şekillendirmege vazife aldı. Maqbul azırlamalar Ermeni Bazar şeerinde endi yapıldı.

Birinciden işğal memuriyetleriniñ vekilleri, aileleri, tehnikası ve vesiqalarını ketirecekler. Aynı zamanda ruslar, hırsızlap rfna almağa planlaştırğanları mülk-medeniy qıymetler cedvelini tizeler.

Aynı zamanda ReNazirligi qayd ete ki, Ukraina bütün topraqlarını, şu cümleden Qırımnı, işğalden azat etmege azırlana. Yarımada azat etilecek soñ onıñ toprağına qanuniy ukrain akimiyeti qaytacaq. İşğal memuriyetleriniñ faaliyetinen ve mülmedeniy qıymetleriniñ hırsızlanmasınen bağlı olğan er kes tapılacaq ve mesüliyet alacaq.