Kahovka GESnı patlatqan soñ işğalciler, suvnen basılğan Oleşkı şeerinden tahliye ilân ettiler. Faqat tek rus pasportına saip olğan insanlarğa ketmege izin berdiler. Blok noqtalarında pasportlarnı teşkere ediler. Herson VAMniñ reberi Oleksandr Prokudin bu aqqında haber berdi.

Şeerde alâqa, elektrik, gaz, içilir suv ve aş olmağanı içün hırsızlıq vaqiaları olalar. ruslarnıñ bu tür areketlerini, cenk vaziyeti şartlarında genotsid olaraq tanımaq mümkün. Olar, saylap-saylap ukrain pasportlarınen insanlarnı ölmege qaldıralar.

Tecavuzcılar, ukrain topraqlarındaki cinayetleri içün mesüliyet alacaqlar.