Vitse baş nazir İrına Vereşçuknıñ başlığınen Qırımtatar tili meseleleri milliy eyyetiniñ oturışı keçirildi.

Oturışta Milliy eyyetniñ başları, Prezidentniñ QMCdeki Daimiy Vekili Tamila Taşeva, Qırımtatar Milliy Meclisiniñ Başı Refat Çubarov, devlet organlarınıñ vekilleri ve tasil müessiselerinden tilşınaslıqlar iştirak ettiler.

Şimdi Eyyetniñ prioritetli yönelişi – balalarnı qırımtatar tilinde ögretüv ve tasil ceryanı içün hadimlerni azırlavdır.

Şu cümleden, 5 ve 6 sınıflar içün qırımtatar tili ve edebiyatı ders kitapları basılmağa azırlanalar, nevtette 10 sınıflar içün ders kitaplarıdır.

Bundan ğayrı, ilk kelecek mütehassıslar Taras Şevçenko adına Kıyiv milliy universitetiniñ Filologiya insititutında qırımtatar tilini ögrenmege başladılar.

“Şu anda qırımtatar balalarınıñ ana-babasınıñ tilinde laf ete bilmeleri, ukrainalılarnıñ onı ögrenmege qatılmaları içün mümkün olğan çoq ğayret köstermelimiz. Qırımtatar tiliniñ yoq olmasına imkân bermeycekmiz. Onıñ inkişafı, Ukraina içün müimdir”, – dep İrına Vereşçuk qayd etti.