Bugün Nazirler Kabineti, rfnıñ silâlı tecavuzı neticesinde Kahovka ZGESnıñ suv bentiniñ patlaması sebebinden fevqulâde vaziyetniñ neticelerini yoq etüvge dair qarar berdi.

Vesiqa, Herson VAMne ve yerli öz idareniñ başqa organlarına bozulğan binalarnı yañıdan quruv işlerini teşkil etmege ve maqbul tazminat miqdarını saylamağa avale ete. Şu cümleden:

– topraqlarnı teşkermek, qaza-qurtarıcı ve minasızlaştıruv tedbirlerini keçirmek;

– Herson vilâyetiniñ bütün cemaatlarında bozulğan evler ve binalarnı teşkermek içün mütehassılarnıñ kerekli sayısınen eyyetlerniñ işini teşkil etmek;

– Arbiy areketler neticesinde bozulğan ve viran etilgen mülkiyet devlet siciline teşkerüvniñ neticelerini ve tazminat miqdarınıñ esabını kirsetmek.