Vitse baş nazir İrına Vereşçuknıñ başlığınen Cenk vaziyeti şartlarında bala aqlarını qorçalav meseleleri idare ştabınıñ oturışı keçirildi. İştirakçiler, statuslı öksüz balalar ve ana-babasınıñ vasiyliginden marum etilgen balalarğa dair müim meselelerni muzakere ettiler.

Nazirler Kabinetiniñ 2023 senesi bozarğan aynıñ 1-indeki qabul etkeni № 546 “Türlü ve çeşitli saiplik şekillerindeki müessiselerge 24 saat devamında bulunmaq içün kirgen balalarnıñ ve insanlarnıñ yerini vaqtınca deñiştirüv (tahliyesi) ve qaytarılmaları aqqında” qararını yerine ketirüv mehanizmi muzakere etildi.

İçtimaiy siyaset nazirligi, Milliy içtimaiy hızmeti ve “Ukrainada ükümet islâatını ozğaruv” (SURGe) leyhasınıñ vekilleri, mezkür mevzuda söz ayttılar. Mezkür qararnı yerine ketirüv mevzusında iştirakçilerge taqdim etilgen prezentatsiya, VAMniñ eñ tarqatılğan suallerine cevap berdi.

Oturışnıñ iştirakçileri qayd ettiler ki, muayyen algoritmge mücibi statuslı balalarnıñ tayliyesi ve qaytarılması keçirilmeli. Olarnıñ kelecek telükesizligine talaplarnı esapqa alıp. Prioritette – mahsus baquvğa ihtiyac duyğan balalarnıñ telükesizligi. Bu tür balalarnıñ sağlıq alına köre, olarnıñ ecnebiy ülkelerge tahliyesiniñ kerekligini muzakere ettiler.

İrına Vereşçuk bildirdi ki, er vaqıt bütün cevapkâr müessiseler ve hızmetler malümatnen paylaşmalılar ve areketlerini idare etmeliler.