Ukraina telükesizlik hızmeti, Herson vilâyetiniñ Sıvaske qasabasından işğal “mektepniñ müdiri”ne duşmannen işdeşligi içün şübe ilân etti. UTH bunı bildirdi.

Tolu miqyaslı tecavzdan evel yerli sakin, Novotroyitsk qasaba şurasınıñ 2. Sıvas litseyinde oca olıp çalışa edi. Meskün yer işğal etilgen soñ tasilci duşmannen göñülli olaraq çalışmağa ketti.

Duşmannen işdeşlik yapqan qadın mektepte tecavuzcı bir devletniñ tasil standartlarını faalca qullana edi. Bunı yapmaq içün vaqtınca işğal etilgen Qırım MCde “ihtisasnı deñiştirici” kurslarnı bitirdi.

Şu cümleden qabaatlanğan qadın, rus propagandasınen maarif saatlerini keçire edi.

UTHniñ taqiqatçıları, Ukrain Cinaiy qanunnamesiniñ 111-1 maddesiniñ 3. qısmına (duşmannen işdeşlik) mücibi qadınğa şübe bildirdiler. O, apishanege maküm etile bilir.