Bugün bütün dünyada Halqara qaçaqlar künü qayd etile. O, siyasiy resurslarnı mobilizatsiya etmege ve dünya akimiyetiniñ diqqatını cenkten qaçqan insanlarnı destekke celp etmege yönelgendir.

Vitse baş nazir İrına Vereşçuk BMTnıñ Yuqarı komissarlığınıñ qaçaqlar meseleleri idaresiniñ bu künge bağışlanğan tedbirinde iştirak etti.

Vitse baş nazir, mesken qıdırğan ukrainalılarğa yardım etken ve yardım etmege devam etken halqara teşkilâtlarğa teşekkür bildirdi. Laf, gumanitar yardım, işke aluv ve ilâhre aqqındadır.

Bundan ğayrı o, ortaqlar ve ukraina akimiyeti arasında idareniñ yüksek seviysini qayd etti.

Memur bildirdi ki, rusiye tek Ukrainağa degil, bütün medeniy dünyağa ve halqara gumanitar uquqqa da çağıruv yarattı. Ve tek orta ğayretlernen duşmannı yeñmek mümkün.

“Küreşmek ve yaşamaq içün büyük bir stimulımız bar. Biz cenkleşemiz, ümütimiz bar ve onı ğayıp etmeymiz. Biz onen uyanamız, biz onen yuqlaymız, ve biz mıtlaqa ğalebe qazanacaqmız”, – dep İrına Vereşçuk qoştı.