Avropa, ukrain köçip kelgen insanları içün ABniñ azası olğan ülkelerde aydayıcı vesiqasını tamamınen tanımağa destek ete. İİN bu aqqında haber berdi.

İçeri işler nazirliginiñ Baş servis merkezi hatırlattı ki, ABde:

– qorçalav astında bulunğanda ukrain aydayıcı vesiqasını deñiştirmeyip, onı qullanmaq mümkün;

– müddetsiz ya da kitapçıq şeklindeki eski versiyalı vesiqanı qullanmaq mümkün. Şimdiden onıñ tasdıqlanğan tercimesi ve halqara aydayıcı vesiqa kerekmey;

– müddet bitse, ukrain aydayıcı vesiqasını qullanmaq mümkün;

– ukrain aydayıcı vesiqası ğayıp olsa ya da hırsızlansa, imtian bermeyip, AB şeklindeki (qorçalav astında bulunğanda) vaqtınca aydayıcı vesiqasını almaq mümkün.