Avropa Birliginiñ desteginen Şarqiy Avropa Fondu, DAK ve cemaatlarnı destek etmek içün  Civic Tech «Act to Support» raqamiy aletler keyhaları konkursını ilân etti. Raqam nazirligi bu aqqında haber berdi.

 

Konkursnıñ maqsadı – içtimaiy teşkilâtlarnıñ DAKnen ve qabul etken cemaatnıñ yerli akimiyetinen semereli çalışma imkânını pekitmektir. 

 

Konkursnıñ neticelerine köre leyhasını kerçekleştrimek içün 20 biñ yero alacaq 10 ğalebe qazanğan teşkilât saylanacaq.

 

Grantlar, em yañı şeyler azırlamaq, em de mevcut olğanlarnı yahşılaştırmaq içün qullanıla bilir. Şu cümleden laf çat botları, saytlar, qullanımlar ve başqa raqamiy aletler aqqındadır. 

 

Aşağıdaki leyhalar konkursta qıymetlendirilecekler:

 

• vatandaşlar ve akimiyet organları arasındaki işdeşlikni qolaylaştırğan;

 

• cemaatta telükesizlik seviyesini arttıra bilgen;

 

• yerli akimiyet organlarınıñ faaliyetiniñ tınıqlığını arttırğan;

 

• cenk vaziyeti şartlarında kiçik ve mikrobiznesniñ işine yardım etken;

 

• DAKni qabul etken cemaatqa integratsiya etmege yardım etken;

 

• tolu miqyaslı rus tecavuzı neticesinde peyda olğan ya da keskin olğan başqa meselelerni al etken.

 

Raqamiy aletlerni tüşünip çıqarğan, Ukrainada qayd etilgen ve kelirsizlik statusınen içtimaiy teşkilâtlar iştirak ete bilirler.

 

Bağlantığa basıp, şartlar oqumaq ve qayd formasını yollamaq mümkün. 2023 senesi bozarğan aynıñ 25-ine qadar ariza bermek mümkün.