2010 senesinden başlap bozarğan aynıñ 26-sında qırımtatarlar Milliy bayraq kününi qayd eterler. Mavı renkli bayraqta sarı tamğa, qırımtatarlarnıñ milliy uyanuvıdır.
Yarımadada peyda olğan adet, bugün Ukrainanıñ qıtaviy qısmında da mevcuttır.
2014 senesinden başlap tamam Qırımda o, qırımtatarlarnıñ rus tecavuzına qarşılıq timsali ve özüni identifikatsiya usulı oldı.
Bugün Qırımnıñ tamır halqınıñ cesaretini ürmetnen añmaq içün qırımtatar bayraqlarını köteremiz.