Şu anda Herson ve Mıkolayiv vilâyetleriniñ meskün yerlerinde rusiye tarafından Kahovka GESnıñ patlamasınıñ neticelerini yoq etici işler devam eteler. Bazı rayonlarnıñ sakinleri evlerine endi qaytmağa başlaylar.
Faqat suvnen basılğan meskenge qaytıp, aşağıdaki tevsiyelerni riayet etmek kerek:
- Evge kirmeden evel, onıñ tış vaziyetini qıymetlendiriñiz. Ayrıca taşınılmaz bünyeler ve divarlarnı. Emin oluñız ki, olarnıñ şekli suvnen deñiştirilmedi ve telükesiz olalar. Evde adım yapqanda tabandaki teşikler, qırılğan camdan diqqatli oluñız.
- Ev içinde soñ derecede diqqatli oluñız. Yahşıca qarutulmasalar, tezilenmeseler ve mütehassıs tarafından evelden teşkerilmeseler, elektrik qalqanlar, söndüriciler, rozetkalarnı toqunmañız. Qoyulsalar, elektrik aqımnen ura ya da yanğın başlaya bilir. Suvnen basılğan evde qalğan elektrik cihazlarnen aynı şey.
Yaqınlarıñıznı telükege oğratmañız: balalarnen tek temizlengen, yahşıca qurutılğan ve telükesiz evge qaytıñız.
Unutmañız: yerli akimiyet ya da acele qarşılıq hızmetler izin berecek soñ suvnen basılğan zonalarda yerleşken evlerge qaytmaq mümkün.