Milliy haberler telemarafonınıñ canlı yayınında vitse baş nazir İrına Vereşçuk bunı qayd etti.

“Ruslar Kahovka GESnı aselet patlatıp, kütleviy tehnogen felâketni yarattılar. Olar gumanitar koridorlarnı açmaylar. Olar, zarar körgenlerge yardım etmeleri içün halqara gumanitar teşkilâtlarğa ketmege izin bermeyler. Bu, halqara uquqnı umumiy bozmadır. Bu, BMTnıñ ve onıñ gumanitar missiyasınıñ mevcut olmasını körmemezlikke urmadır”, – dep vitse baş nazir qayd etti.

“O zaman bir sual çıqa: ne içün rusiye BMTnıñ terkibinde buluna? Ya da ne içün terkibinde halqara uquqnı ve özü BMTnı körmemezlikke urğan rusiye olğan BMT mevcut ola? Endi bes-belli ki, bizim Ğalebemizden soñ halqara gumanitar uquq ve halqara gumanitar teşkilâtlarnıñ rolü tamamınen yañıdan baqılacaqır”, – dep İrına Vereşçuk hulâsa çıqardı.