Vitse baş nazir İrına Vereşçuknıñ başlığınen vaqtınca işğal etilgen topraqlardan (VİET) ketken Ukraina vatandaşlarınıñ vesiqalaştıruv aktual meselelerine bağışlanğan oturış keçirildi.

Şu cümleden laf, Ukraina pasportına saip olmağan ukrain vatandaşlarınıñ VİETdan kontrol etilgen topraqlarğa ketme imkânı aqqında edi.

Oturışnıñ neticelerine köre Devlet sıñır hızmeti maqbul añlatma berdi.

Böylece, 18 yaşına yetken ve VİETdan ketken ukrain vatandaşları Ukrainağa doğma şeadetnamesinen kete bilirler.

Başqa vesiqalarını teşkerip ve maqbul identifikatsiya keçirip, bu tür şahıslarğa vesiqalar berecekler.