OSCE Parlament assambleyası, rusiyeni terrorcılıq sponsorı olğan devlet olaraq tanığan netice beyannamesini tasdıqladı. OSCE PAnıñ ukrain delegatsiyasınıñ azası, Yuqarı Şuranıñ mebusı Yevheniya Kravçuk bu aqqında haber berdi.
Şu cümleden OSCE PA, azası olğan devletlerini rusiye fedetasiyasınıñ “Vagner” PVK terrorcılıq teşkilâtınıñ sponsorı olğan devlet olaraq mesüliyetini açıq-aydın tarzda tanığan ve bu subyektlerniñ devletlerarası munasebetlerge qatılmasınıñ imkânsızlığını qayd etken halqara qaidelerni quvetleştirmege çağırdı.
OSCE PAnıñ qararınıñ sebebi, rusiyeniñ prezidenti volodımır putinniñ “Vagner” şahsiy arbiy şirketini maliye etmesini şahsen tanıması oldı. Çünki beyannamege mücibi, rusiye ükümetiniñ adından bu şirketniñ areketleri terror olaraq tanına bilir.