Oraq ayınıñ 6-sında Ukrpoşta, duşman tarafından Kahovka GES patlaması neticesinde suvnen basılğan Herson vilâyetiniñ sakinlerine devlet yardımını ödemege başladı. Böylece, Herson şeer hastanhanesinde bulunğan vatandaşlar devletten 5 biñ grivnalıq maliyeviy yardım aldılar.

Bundan ğayrı, Herson vilâyetiniñ 532 ve Mıkolayiv vilâyetiniñ 362 sakinine mezkür maliyeviy yardım ödemek içün Devlet hazine idaresi endi 4,47 million grivna ayırdı. Olarnıñ arizalarına mücibi para, bank esaplarına yollandı.