Avropa merkeziy bankı, eñ istidatlı ukrain studentlerine stipendiya teklif etti. AMBnıñ saytında bu malümat bildirildi.

 

Ukrain universitetleriniñ 15 studentine 10 biñ yevrolıq grantlarnı alacaq.

 

Saylavnıñ iştirakçileri Ukraina vatandaşı olmalılar ve esap tehnikası, iqtisadiyat, müendislik, uquq, isaiyat ya da başqa maqbul saalarda (misal olaraq, riyaziyat, maliye, siyasiy ilimler) magistraturağa kirmeliler (ya da kirmege planlaştırmalılar). Şu cümleden bakalavrlıqnıñ orta baası eñ az 80 olmalı.

 

Grant, oquv ve onen bağlı başqa masraflarnı maliye etmek içün qullanıla bilir.

 

Bağlantığa basıp ve anketa toldurıp, arman ayınıñ 4-üne qadar ariza bermek mümkün.

 

Formanı toldurıp, [email protected] adresine aşağıdaki vesiqalarnen elektron mektüpni yollamaq kerek:

 

• arizanıñ forması (Excel formatında);

 

• CV ve 2023/2024 oquv senesine mezkür saalardan birinde magistr kursına kirmesiniñ ya da evelden kirmesiniñ tasdıqlanması;

 

• bakalavr ihtisasınıñ tasdıqlayıcısınıñ kopiyası ve oquv seviyesiniñ tasdıqlayıcısı (bir PDF-fayl olaraq).