Rus tecavuzı neticesinde ülkeden ketken mesken qıdırğan ukrain vatandaşlarınıñ umumiy çoqusı, evine qaytmaq niyeti ya da ümüdini bildirgen. BMTnıñ qaçaqlar meseleleri agentliginiñ soñ araştırmasınıñ neticeleri bunı körsterdi.  

Böylece, şu anda AB ülkelerinde ve Moldovada bulunğan, cevap bergen ukrainalılarnıñ 76%-i, Vatanına bütünley qaytmaq planı ya da ümüni bildirgen.

Aynı zamanda Ukrainanen qomşu olğan ülkelerde bulunğan ukrainalılar, evine qaytmaq ümüdiniñ seviyesi, avropa qıtasınıñ uzaq ülkelerine ketmege mecbur olğan insanlarnıñ ümüt seviyesinden daa yüksektir – 71% ve 57%.

Bundan ğayrı, köçken soñ mesken qıdırğan ukrain vatandaşlarınñ üçte biri (39%) qısqa zamanğa ana bölgelerine endi ketken. Bu, insanlarğa aqrabalarınen ve vatandaşlarnen bağlnama tutmağa, mümkün olacaq qaytuv şartlarına dair qarar bermege yardım eter.