Minnetli aziz azapçı Klımentiy Şeptıtskıy adına fond, rus esirliginden azat etilgen ukrain qadınlarını destek programmasını kerçekleştirmege devam ete.

Programma, leh ve ukrain ükümetleriniñ işdeşliginiñ neticesi oldı. Lehistan Baş naziriniñ Kantselâriyası ve Ukrainanıñ vaqtınca işğal etilgen topraqlarınıñ reintegratsiya meseleleri nazirligi onı teşebbüs ettiler. Lehistan Baş naziriniñ Kantselâriyası programmağa para berir.

Eyyetniñ soñ oturışında Fond, esirlikten azat etilgen 22 qadınğa para yardımını bermege qarar berdi. Er kes, bergi ödemeden evel bir kerelik 10 biñ zlotıhlıq (tahminen 90 biñ grivnalıq) maliyeviy yardım alacaq.

Mezkür eyyette ReNazirliginiñ uzurındaki Milliy malümat bürosınıñ arbiy esirler aqqında bilgilerni idare etken vekili iştirak eter.

2023 senesi arman ayınıñ 30-ına qadar ya da para bitmegence maliyeviy yardım arizaları alınacaqlar. Bağlantığa basıp, elektron forma toldurıp, bu tür yardım arızasını yollamaq mümkün. 

Hatırlatamız ki, 2022 senesi esirlikten azat etilgen 180 ukrain qadını, Şeptıtskıy Fondundan maliyeviy yardım aldı.