Bugün vitse baş nazir İrına Vereşçuknıñ başlığınen Cenk vaziyeti şartlarında ealiniñ mecburiy tahliyesini keçirüv meseleleri idare ştabınıñ oturışı keçirildi.

İdare ştabınıñ azaları, Harkiv VAMniñ Çuhuyiv rayonındaki Vovçansk şeer topraq cemaatınıñ 10 meskün yerlerinden 194 balanıñ mecburiy tahliyesini ilân etüvi aqqında qarar rey birliginen berildi. Anda duşman ateşleri sebebinden bunı telükesizlik vaziyeti talap ete.

Vovçanks şeeri, Varvarivka, Krasnıy Yar, Mıkolayivka, Vovçanski Hutorı, Volohivka, Karayiçne, Ohrimivka, Mala Vovça, Ohirtseve köylerinden balalarnıñ mecburiy tahliyesi keçirilecek.

Tahliye etilgen balalar, ana-babasınıñ biriniñ ya da qanuniy vekiliniñ ozğarılmasınen ketecekler ve Harkiv vilâyetiniñ telükesiz bölgelerinde bedava meskennen temin etilecekler. 

ReNazirligi, öz telükesizligi ve ayrıca balalarnıñ telükesizligini ihmal etmemege ve acelen tahliye etmege daa bir kere çağıra.

Harkiv vilâyetinden tahliyenen bağlı sualleriñiz olsa, yerli akimiyetniñ vekillerine hitap etiñiz. Bundan ğayrı tahliye arzusını ReNazirliginñ sıcaq hattına 15-48 ya da WhatsApp/Telegram/Viber messencelerine beyanat yazıp: (096) 078-84-33 bildirmek mümkün.