ReNazirliginiñ taqımınen beraber o, VAM ve halqara teşkilâtlarnıñ orta ğayretlerinen qurulğan modul şeerçiginiñ açılışında iştirak etti, devlet içinde alınğan kişilernen subet etti, olarnıñ mesken ve turmuş şartlarını teşkerdi.

Vitse baş nazirniñ başlığınen Poltava VAMniñ uzurında Tınç yaşağan ealini destek idare merkeziniñ oturışı keçirildi. İştirakçileri, vilâyetniñ devlet içinde alınğan kişilerge nasıl baqqanını ve olarnı reintegratsiya etkenini diñlediler.

Qayd etemiz ki, DAKniñ çoqusı Harkiv, Donetsk, Luhansk ve Sumı vilâyetlerinden Poltava vilâyetine köçti. Bu, geografik yerleşmeniñ yaqınlığınen bağlıdır.

Vilâyette em devlet içinde alınğan kişiler, em de adiy sakinleri içün çeşit türlü leyhalar bar. 2023-2024 seneleri qoşma Kompleksli maqsatlı DAKni destek programması tatbiq etildi. Bu işni yahşılaştırmaq içün bu sene vilâyet gumanitar şatbı islâ etildi. Şimdi onıñ vazifeleriniñ qısmını Poltava vilâyet içtimaiy hızmetler merkezi yapa. Gumanitar yardımnıñ ketirilmesine içtimaiy hızmetler bergen müessiseler ağı qoşuldı.

Bundan ğayrı iş ziyareti çerçivesinde bölgede veteran siyasetiniñ inkişaf meseleleri tögerek masa keçirildi. İrına Vereşçuk, bu meselege kompleksli yanaşmanı qayd etti. Qorçalayıcılarnıñ sağlığını tüzetüv ceryanı içtimaiy ve ruhiy destek, sağlıq tüzetici hızmetleri vastasınen keçirile.

İş ziyaretiniñ soñunda topraq cemaatlarınıñ vekillerinen oturış keçirildi. Devlet içinde alınğan kişiler meseleleri şurasınıñ teşkil etilmesi vastasınen DAKniñ integratsiyasına yardım etmek kerekligi muzakere etildi.

“Bu sene bizim ögümizde turğan çağıruvlar, keçken senedekilerden kiçik olmaylar. Amma er şeyge baqmadan, birlikte olmalımız ve semereli tarzda çalışmalımız. Biz, yerli akimiyet ve Ükümetniñ areketleriniñ idaresiniñ ne qadar müim olğanını köremiz. Biz sizni eşitemiz, diñleymiz ve bizim insanlarımızğa kerekli er şey bermek içün beraber adım yapmağa azırmız”, – dep İrına Vereçuk hulâsa çıqardı.