Vitse baş nazir İrına Vereşçuknıñ başlığınen İşğalden azat etilgen topraqlar meseleleri idare ştabınıñ oturışı keçirildi.

İdare ştabınıñ azaları, Donetsk ve Luhansk vilâyetleriniñ işğalden azat etilgen topraqlarında vaziyetni tüzetüv ve olarnı reinategratsiya etüv adımları planlarınıñ leyhalarını uyğunalaştırmağa rey birliginen qarar berdiler. Ükümetniñ maqbul qararını yerine ketirmek içün Donetsk ve Luhansk vilâyet arbiy memuriyetleriniñ (VAM) uzurında teşkil etilgen idare şuraları leyhalarnı azırladılar.

Adımlar planlarınıñ esas yönelişleri arasında:

–  Devlet akimiyetiniñ yañıdan çalışmağa başlanması.

– Telükesizlik.

– Gumanitar qarşılıq.

– Astyapınıñ yañıdan qurulması.

– Tibbiy qarşılıq.

– İqtisadiyat.

– Malümat siyaseti.

– İçtimaiy qorçalav.

– Tasil ihtiyacları. Ruhiy destek.

– Topraqlarnıñ kompleksli yañıdan qurulmasını planlaştıruv.

Şu anda VAMniñ maliyeviy-iqtisadiy esaplamalarına mücibi Donetsk vilâyetiniñ topraqlarınıñ reintegratsiya planını yerine ketirmek içün tahminen 200 mlrd grivna ve Luhansk vilâyetiniñ topraqlarını reintegratsiya etmek içün de 80 mlrd grivna kerek. Bundan soñ mevcut ihtiyaclarğa mücibi esaplamalar deñişe bilirler.

Devlet ve yerli bücetlerinden ya da halqara donorlarnıñ parasınen bu leyhalar yerine ketirile bilir.