Vitse baş nazir İrına Vereşçuknıñ başlığınen veteran siyaseti meseleleri oturışı keçirildi.
Anda ReNazirligi, İçtimaiy siyaset nazirligi, Veteranlar nazirligi, Sağlıq nazirligi, İİN, İqtisadiyat nazirligi, Mudafaa nazirligi, Maliye nazirligi, Prezidentniñ Ofisi, DMH, UDSH, USQ, Nazirler Kabinetiniñ uzurında Ruhiy sağlıq idare merkezi, Ukraina YŞnıñ içtimaiy siyaset ve veteranlarnıñ aqlarını qorçalav meseleleri eyyeti, vilâyet arbiy memuriyetleriniñ vekilleri ve başqaları iştirak ettiler.
Oturış vaqtında esirlikten azat etilgen askerler ve adiy vatandaşlarğa kompleksli yardım etüv meselesine diqqat ayırıldı. Çünki esirlikten tamam azat olunğan soñ olar, tibbiy reabilitatsiyanen, reintegratsiya tedbirlerinden soñ ise – ruhiy ozğaruvnen emin olunmalılar.
Oturışnıñ iştirakçileri, devletten garantiyalı şahsiy tibbiy ozğaruvnı berüv sistemasını mükemmelleştirüv meselesine de diqqat celp etildi. Çünki teşkerüv ve reabilitatsiya ceryanınıñ açıq-aydın algortimi kerek.
İrına Vereşçuknıñ sözlerine köre, esirlikten azat etilgen insanlarğa yardım etüvnen bağlı bir qaç qararğa deñişmeler kirsetip, bu tür sistemanı yahşılaştırmaq mümkün.
Esirlikten azat etilgen insanlarnıñ bir kerelik vauçlerni alma imkânına dair haberdar olunmaları meselesi de muzakere etildi. Böylece, olarnıñ saylanğan saada daa çoq iş tapma imkânı olacaq.
Bundan ğayrı içtimaiy teminat aqqını yerine ketimek içün askerlerge kerekli olğan yara vaqiası aqqında şeadetname aluvğa dair qanunlardaki meseleler muzakere etildi. “Bu tür vesiqa berüvge dair açıq-aydın nizam azırlanmalı”, – dep İrına Vereşçuk qayd etti.
Vitse baş nazir, esirlikten azat etilgen askerlerge ruhiy yardım etüv tek protokolınıñ azırlanması aqqında da haber berdi. Şu anda ruhiy reabilitatsiya berüv adım-adım protokolını azırlağan mütehassıslar taqımı endi teşkil etildi.
Aynı zamanda yaralanğan askerler içün bu tür protokolnıñ azırlanmasınen bağlı ayrı marşrut azırlanacaq.
“Rus esirliginden azat etilgen insanlarnıñ reabilitatsiyasına tek yanaşmasını azırlamalımız”, – dep vise baş nazir hulâsa çıqardı.