“Rada” telekanalınıñ canlı yayınında vitse baş nazir İrına Vereşçuk bunı qayd etti.

O qoştı ki, Prezident Zelenskıynıñ başlığınen tünevinki oturışta bu mesele muzakere etildi. Anda Qırım içün işğalden azat etüv adımları muzakere etildi: telükesizlik, iqtisadiyat, içtimaiyat, gumanitar. Hadimler yedeginiñ şekillendirilmesine ayırca diqqat ayırıldı.

Memur haber berdi ki, şu anda bu ceryan devam ete. Yerli akimiyet organlarında çalışmaları içün ukrain yüksek tasil müessiselerinde “A” ve “B” kategoriyalı devlet hızmetleriniñ ihtisasını deñiştirüv programması bar. Berim ayında yañı programma başlaycaq.

“Umumen hadimlet yedegini şekillendirüv ceryanı dinamik tarzda keçe. Prezidentteki oturışnıñ neticelerine köre gumanitar ve göñülli teşkilâtlarğa muracaat etmege isteyim. Olarnıñ da öz hadimler yedegini şekillendirmeleri içün. Olar, gumanitar işniñ yapılması içün azat etilecek topraqlarğa ketmege azır olğan insanlar olmalılar”, – dep İrına Vereşçuk hulâsa çıqardı.