Kıyiv, Zaporijjâ, Mıkolayiv, Odesa, Sumı, Çernihiv, Harkiv ve Herson vilâyetleriniñ cemaatlarınıñ yañından qurulması içün Silâlı tecavuznıñ neticelerini yoq etüv fondundan daa 3,5 mlrd grivna üleştirilecek. Baş nazir Denıs Şmıhal bu aqqında haber berdi.

Viran etilgen mesken binalar, mektepler, bala bağçaları ve hastahanelerniñ yañıdan qurulmas içün bu para ayırıldı.

Bundan ğayrı, bu sene işğalden azat etilgen meskün yerlerniñ kompleksli yañıdan qurulması deñev leyhasını yerine ketirmek içün Ükümet daa 3,3 mlrd grivna ayırdı. Şu cümleden Kıyiv vilâyetinedki Borodânka, Sumı vilâyetindeki Trostânets, Harkiv vilâyetindeki Tsırkunı, Herson vilâyetindeki Posad-Pokrovske ve Çernihiv vilâyetindeki Yahidneniñ yañıdan qurulması içün. Bütün leyhalarnıñ umumiy fiyatı deyerli 10 mlrd grivnadır.

Umumen tolu miqyaslı tecavuznıñ başlanğıcından zarar körgen topraqlarnıñ yañıdan qurulması içün Ükümet 25ten ziyade mlrd grivna ayırdı.