Qızdıruv mevsimine energetikanı yañıdan qurmaq ve azırlamaq içün 10 mlrd grivna ayırıldı. Olar, energetika obyektlerini tamir etmege ve qorçalamağa üleştirilecek.

Bundan ğayrı, AQŞtan 897 mln dollaqlıq yardım kelecek – generatorlar, gaz boru elektrik stantsiyaları, transformatorlar içün. Avropa Ukrainanıñ enegretikasını destek fondu da çalışa, onıñ çerçivesinde endi 166 mln yevro alındı. Ukraina Prezidentiniñ uzurında Yerli ve bölge akimiyetleri kongressi vaqrında baş nazir Denıs Şmıhal bu aqqında haber berdi.

Ükümetniñ reberi qayd etti ki, ukrain gaz anbarlarında 11,7 mlrd kub m gaz bar (planlaştırılğan miqyasnıñ 80%-i), yedeklerde ise planlaştırılğan 1,8 mln tonnadan 1,5 mln tonna kömür bar.

Şu cümleden, yarım sene devamında Ükümet, yerli bücetlerge daa 92 mlrd grivna üleştirdi. Faal arbiy areketler bölgeleri içün daan deyerli 24 mlrd grivnalıq ilâve para yardımı esapqa alınır, ondan 10,6 mlrd grivna endi ödendi. Ayrıca tez yañıdan quruluv içün yerlerge daa eñ az 20 mlrd grivna ayırıldı.