“Vlasna sprava” (“Öz işi”) grant programmasınıñ başlanğıcından 54 veteran ve aileleriniñ azaları ğalebe qazandılar. Olar, umumen 21 mln grivnalıq grantlarnı alacaqlar. Ukraina İqtisadiyat nazirligi bu aqqında haber berdi.

Veteranlar içün daa bir grant arizalarını berüv dalğasınıñ neticesinde 13 ğalip saylandı. Öz biznesini başlatmaq ya da inkişaf etmek içün olar deyerli 5 mln grivna alacaqlar.

Grant parası vastasınen ğalipler qavehane, furunhane, şahsiy ekim odası, bala oyun odası, taksi hızmetini açmağa planlaştıralar.

Hatırlatamız ki, programmanıñ şartlarına mücibi öz biznes inkişaf etmek içün veteranlar ve aileleriniñ azaları 250 biñden 1 millionğa qadar grivna ala bilirler.

70/30 nisbette orta maliye berüv şartlarında grantlar berilir. Yani öz işine parasınıñ 30%-ini qoymalı, paranıñ 70%-ini ise grant şeklinde devlet berecek.

Diia portalı vastasınen biznes-plannen ariza bermek mümkün.