Cenk vaziyeti şartlarında ealiniñ mecburiy tahliyesini keçirüv meseleleri idare ştabınıñ oturışında Donetsk VAMniñ maqbul hitabı baqıldı.

İştirakçileri, Donetsk vilâyetiniñ arbiy areketler rayonları yanında olğan daa doquz meskün yerinden balalarnıñ mecburiy tahliyesini keçirmege rey birliginen qarar berdiler.

Yampil, Zariçne, Torske, Orihuvatka, Nıkonorivka, Malınivka, Tıhonivka, Vasılütınske ve Ray-Oleksandrivka aqqında laf etildi. Qıyın telükesizlik vaziyeti ve duşman ateşleri sebebinden o yerlerden 130 bala mecburen tahliye etilecek. 

Bundan ğayrı İdare ştabı, Sumı vilâyetinden tınç yaşağan ealiniñ tahliye alına dair meselelerni baqtı. Şu anda 5 kilometrlik telükeli zonadan 1718 insan, şu cümleden 228 bala, tahliye etildi. 21 meskün yerde bir insan qalmadı. Tahliye tedbirleri devam eteler.

İrına Vereşçuk, mezkür VAMniñ ve köçip kelgen insanlarnı qabul etken bölgelerniñ reberliklerine teşekkür bildirdi. Bundan ğayrı o, halqara hayriye teşkilâtlarını tahliye etilgen ve telükeli topraqlarda qalğan insanlarğa daa çoq yardım etmege çağırdı.