Yuqarı Şura birinci diñleme vaqtında 9591. Ukrainanıñ vaqtınca işğal etilgen topraqlarında yaşağan insanlarnıñ oqumaları neticelerinini tanıma aqqında qanun leyhasını tasdıqladı. Ukraina Prezidentiniñ Qırım Muhtar Cumhuriyetindeki Vekilligi bu aqqında haber berdi.

Qanun leyhası, bu tür oquvnıñ neticelerini tanımaq ve ukrain tasil müessiselerinde oqumağa devam etmek içün atestatsiya keçirüv protsedurasını esapqa alır.

Aşağıdaki şaraitte atestatsiya keçirilmez:

• Cedveli Ükümet tarafında tasdıqlanğan ihtisaslar içün;
• yüksek tasilniñ magistr seviyesinde oqumalarnıñ neticelerini ve YEKTS kreditlerini tanımaq içün (tibbiy, ilâçlıq ve baytar yönelişlerindki magistrlerni azırlama programmalarından ğayrı).

Bu tür mehanizmni kirsetmek – topraqlarnıñ reintegratsiyası, vatandaşlarnıñ ukrain tasil ve medeniy boşluğına irişimini yañıdan temin etüvniñ müim qısmıdır. Bundan ğayrı o, olarğa öz tasil aqqını almağa, ihtisasiy karyerasını temin etmege ve Ukrainanı yañıdan quruv ceryanında iştirak etmege imkân berecek.