“Halıçına” İvano-Frankivsk vilâyet televezionınıñ canlı yayınında vitse baş nazir İrına Vereşçuk bunı bildirdi.

Memurnıñ sözlerine köre, yaqın kelecekte veteranlarnıñ sayısı bir qaç qatqa artacaq. Bunıñ içün şimdi tek devlet veteran siyasetiniñ şekillenmesine adımlarnı azırlamaq kerek.

Bu ceryannıñ birinci müim basamağı, veteranlar aqqında yañı qanun olmalı.

“Prezident, onıñ azırlanmasınen bağlı maqbul vazifelerni berdi. Olarnı işlep, yapmalımız”, – dep vitse baş nazir qayd etti.

Bundan ğayrı İrına Vereşçuk, veterannıñ yardımcısı institutını teşikl etüvnen bağlı deñev leyhasını hatırlattı. Onıñ sözlerine köre, er bir veterannıñ yardımcısı olmalı. Bu, teñlik sisteması esasında olmalı. Bu yol keçken ve öz tecribesinen paylaşa bilgen veteranlarnıñ bir-birine yardımcı olmaları içün.

“Bizim qadın ve erkek veteranlarımız nevbetlerde turmamalılar, ürmet ve diqqat kemligini duymamalılar. Bunıñ içün olarnı itibarlı munasebet ve yañıdan adiy yaşamaları içün kerekli şartlarnı temin etmek – devletniñ esas vazifesidir”, – dep memur hulâsa çıqardı.