Şu cümleden, 2022 senesi arman ayından berli Donetsk vilâyetinden mecburiy tahliye keçirile. Böylece, bir sene boyunca 87den ziyade biñ vatandaş telükesiz bölgelerge köçti. Olar aralarında – eñ az 10,7 biñ bala ve 3,7den ziyade biñ az mobil insan bar.

Bundan ğayrı, keçken sene küz mevsiminde başlağan işğalden azat etilgen topraqlardan tahliye devam ete. O çerçivesinde 11 ay boyunca Harkiv vilâyetinden eñ az 26 biñ vatandaş çıqtı. 9 ay boyunca Herson vilâyetiniñ işğalden azat etilgen topraqlarından eñ az 39 biñ insan tahliye etildi. 

Vatandaşlarnıñ Ukrainanıñ telükesiz bölgelerine merkezleştirilgen ketirilmesi, em planlaştırılğan, em de acele tarzda (kerek olsa) keçirile. Ükümet, halqara teşkilâtlar ve göñülliler, vatandaşlarımızğa telükesizlik garantiya etmek içün çoq ğayret köstereler.

üHatırlatamız ki, tahliye bedava olaraq keçirile. Evelden yazılmaq içün yerli akimiyet organlarına hitap etmek kerek.

Bundan ğayrı, tahliye istegiñizni ReNazirliginiñ 24 saat işlegen sıcaq hattına bildirmek mümkün: 15-48. WhatsApp/Telegram/Viber qullanımları vastasınen de beyanat yazıp yollaya bilirsiñiz: (096) 078-84-33.