2023 senesi berim ayınıñ 6-sında Çarşenbe künü Kıyivde “Ruhiy sağlıq: dayanıqlıq ve kelecekniñ mortlığı” mevzusında Birinci hanım efendiler üçünci sammiti olacaq. Bu, Ukraina Birinci hanımı Olena Zelenskanıñ başlatqanı dünyada insanlarnıñ varlığı içün işdeşlik ve “yımşaq küç”niñ birleşmesi halqara platformasıdır.
Sammitniñ missiyası, insaniyetniñ global meselelerini al etüv ceryanında dünyanıñ birinci hanım efendileriniñ “yımşaq küçü”niñ birleşmesidir.
Sammit tek Ukrainanen bağlı degil, bütün dünyadaki cenk neticeleri ya da başqa buhranlardan zarar köregen ve köre bilecek insanlarnıñ varlığına bağışlanacaqtır.
Muzakere etmek içün tedbirge bütün dünyadan birinci hanım efendiler, dünya yıldızları, fikir liderleri, mütehassıslar ve ruhiy sağlıq mevzusında faal etken başqa sayın musafirler davet etilirler.
Sammit vaqtında aşağıdaki mevzular muzakere etilecek:
- Bu tür meselerni stigmatizatsiya etmeyerek, ruhiy sağlıq saasında çağıruvlarnı açıqça tanıma küçü ve zayıflığı.
- Cenkniñ ruhiy sağlıqqa tesiri.
- Ruhiy sağlıq destegini rağbetleştirüv saasındaki leyhalarğa eñ yüksek prioritet seviyesini bermek kerekligi: cemaatnıñ meselelerini körme imkânınıñ arttırılması, ruhiy sağlıq saasında savatlılıq tenessübi, stigmatizatsiyanen küreş ve ilâhre.
- Bugünki ösmürlerniñ ruhiy sağlığı – 15 sene içinde insaniyetniñ kelecekini tayin etecek gençlikniñ ruhiy sağlığını baqmaq içün ne yapa bilirmiz?
Bağlantığa basıp ya da Milliy telemarafonınıñ canlı yayınında yayınlavnı seyir etiñiz.