Ukraina Nazirler Kabineti, bölgelerde yañıdan quruv lehalarınıñ yerine ketirimesi içün 1,7 mlrd grivnalıq subventsiyanı yañıdan üleştirmege qarar berdi. Ükümet portalı bu aqqında haber berdi.

Bu, Ükümetniñ Ukrainanıñ kontrol etkeni topraqlarındaki yerli, köy ve qasaba cemaatlarınıñ bücetlerine üleştirgeni Avropa yatırım bankınıñ parasıdır.

Bundan ğayrı, vilâyetlerni acelen yañıdan qurmaq içün Ükümet, Silâlı tecavuznıñ neticelerini yoq etici fonddan eñ az 43 mlrd grivna ayırdı.

Para, qızdıruv mevsimi başlamadan evel energetika obeyektleriniñ acelen tamirine ve cenkten zarar körgen cemaatlarnı destek etmege üleştirilecektir. Dnipropetrovsk vilâyetindeki suv boruları, mektepler, hastahaneler, sığınaqlar ve başqa obeyktlerniñ qurulmasına da üleştirilecektir.