Ukraina devlet bücetine Amerika Qoşma Ştatlarından 1,25 mlrd dollarlıq grant qatılacaq. Maliye nazirligi bu aqqında haber berdi.

Dünya bankınıñ “Ukrainada muntazam devlet idaresini temin etmek içün devlet bücetini destek etüv” (PEACE in Ukraine) programması çerçivesinde o, berilecek.

Para ealiniñ zayıf gruppaları, devlet vazifelerini yapqan, tasil ve tibbiyet saalarında çalışqan insanlarnı destek etmege yönelecek. Şu cümleden, devlet hızmetçileri, tasilciler, tibbiyetçiler, ilk qarşılıq acele hızmetleriniñ işçilerini.

PEACE in Ukraine leyhası yardımınen devlet bücetine umumen 19,5 mlrd AQŞ dolları ve 1,44 mlrd yevro grantlar ve ödünçler qatıldı. Olardan 17,97 mlrd AQŞ dolları, grant parasıdır.